Բացահայտիր Տավուշը. Հովք գյուղի աշխարհագրական, ժողովրդագրական և տնտեսական բնութագիրը

Հովք գյուղը գտնվում է Հայաստանի Հանրապետության Տավուշի մարզի Իջևանի տարածաշրջանում՝ մարզկենտրոն Իջևան քաղաքից մոտավորապես 12 կմ դեպի հարավ-արևմուտք:

Բնակավայրը տեղակայված է Աղստև գետի հովտի ձախափնյա լանջին և ծովի մակերևույթից ունի 1190 մետր բարձրություն։ Գյուղի կլիման դասակարգվում է որպես մերձարևադարձային։

Պատմականորեն բնակավայրն ունեցել է այլ անվանումներ ևս, մասնավորապես՝ Հախիխլու և Սամեդ Վուրղուն:

Ներկայիս «Հովք» անվամբ բնակավայրը վերանվանվել է 1991 թվականի ապրիլի 3-ին։

Բնակավայրի ժողովրդագրական տվյալների դինամիկան ցույց է տալիս բնակչության թվաքանակի հետևյալ փոփոխությունները՝ 1873 թվականին գյուղն ունեցել է 188 բնակիչ, 1897 թվականին՝ 385, 1922 թվականին՝ 306, 1926 թվականին՝ 390, իսկ 1931 թվականին՝ 431 բնակիչ։ Հետագա տարիներին արձանագրվել է աճ՝ 1939 թվականին հասնելով 578-ի, 1959 թվականին՝ 707-ի, և 1970 թվականին գրանցվել է բնակչության առավելագույն ցուցանիշը՝ 869 մարդ։ Այնուհետև բնակչության թիվը նվազել է. 1979 թվականին կազմել է 748 մարդ, իսկ 1989 թվականին՝ 189 մարդ։ Մինչև 1989 թվականը գյուղը եղել է գերազանցապես ադրբեջանաբնակ, որից հետո ադրբեջանցի բնակիչները տեղափոխվել են Ադրբեջանի Ղազախի շրջան, և նրանց փոխարեն գյուղում հաստատվել են Ադրբեջանից բռնագաղթած հայեր։

2001 թվականի մարդահամարի տվյալներով բնակչության թիվը կազմել է 499 մարդ։ Համաձայն Հայաստանի 2011 թվականի մարդահամարի տվյալների՝ Հովքի մշտական բնակչությունը կազմել է 435, իսկ առկա բնակչությունը՝ 422 մարդ։

Գյուղի տնտեսական գործունեության հիմնական ուղղությունները պայմանավորված են տեղական բնակլիմայական պայմաններով։

Բնակչությունը հիմնականում զբաղվում է անասնապահությամբ և ծխախոտագործությամբ։

Բնակավայրի կոորդինատներն են`

40°47'28"N 45°01'21"E