Մեկնարկում է «ԱՐԱԳԱԾԻ ՇՈՒՐՋԸ 2026» հեծանվասպորտի միջազգային առաջնությունը
· Հայաստան
Հեծանվորդների, սիրողական հեծանվասպորտի և սպորտային տուրիզմի միջազգային ֆեդերացիայի նախաձեռնությամբ և Ապարան համայնքապետարանի աջակցությամբ 2026 թվականի օգոստոսի 22–23-ին Ապարան համայնքում կանցկացվի «TOUR D'ARAGATS / ԱՐԱԳԱԾԻ ՇՈՒՐՋԸ 2026» հեծանվասպորտի միջազգային երկրորդ առաջնությունը։
*Նախագիծը նպատակ ունի նպաստել Հայաստանում հեծանվասպորտի և սպորտային տուրիզմի զարգացմանը, խթանել առողջ ապրելակերպը, ակտիվ հանգիստը և մարզային զբոսաշրջությունը, ինչպես նաև ձևավորել միջազգային
ճանաչում ունեցող ամենամյա մարզական միջոցառում։
*Օգոստոսի 22-23 Ապարանում կմեկնարկի TOUR D'ARAGATS 2026 ԱՐԱԳԱԾԻ ՇՈՒՐՋԸ հեծանվասպորտի միջազգային երկրորդ առաջնությունը՝ 3 միլիոն ՀՀ դրամ մրցանակային ֆոնդով, որը նախատեսված է սիրողական և գործող
մարզիկների՝ տղամարդկանց և կանանց մրցապայքարի 5 խմբերի համար.
• Սիրողական՝ տղամարդիկ՝ 17–35 տարեկան
• Սիրողական՝ տղամարդիկ՝ 36–50 տարեկան
• Սիրողական՝ տղամարդիկ՝ 51 տարեկան և բարձր
• Սիրողական՝ կանայք՝ 17 տարեկան և բարձր
• Մարզիկներ, ովքեր 2022–2026 թվականներին (վերջին 5 տարիներին) մասնակցել են իրենց պետության առաջնություններին։
Բոլոր 5 խմբերի համար սահմանված են հետևյալ մրցանակային տեղերը՝
• 1-ին տեղ – 300,000 ՀՀ դրամ
• 2-րդ տեղ – 200,000 ՀՀ դրամ
• 3-րդ տեղ – 100,000 ՀՀ դրամ
4–7-րդ տեղերը զբաղեցրած մասնակիցները կստանան հատուկ պատվոգրեր, իսկ մնացած մասնակիցները՝ մասնակցության հավաստագրեր։
Էլեկտրական հեծանիվներով մասնակիցները կարող են մասնակցել ոչ մրցակցային ձևաչափով՝ որպես զբոսաշրջիկներ։
Մանրամասներն ու գրանցման հղումն այստեղ.
https://www.facebook.com/events/1591935478765002
Հեռ. 091 566 001
Տեսահոլովակի հղումը.