Էկոպարեկները Տավուշում ապօրինի ծառահատում են բացահայտել
Իրականացվում են անհրաժեշտ միջոցառումներ՝ դեպքի հանգամանքները պարզելու և պատճառված վնասի չափը հաշվարկելու ուղղությամբ։
Տավուշի մարզում էկոպարեկներն անտառային տարածքում նկատել են «ԶԻԼ» մակնիշի ավտոմեքենա, հետևել տեղաշարժին ու արձանագրել, որ վարորդը սկսել է բեռնաթափել ավտոմեքենայում առկա փայտանյութը:
Ինչպես հայտնում է ՇՄՆ էկոպարեկային ծառայությունը, կանխարգելիչ և բացատրական աշխատանքների արդյունքում ենթադրյալ իրավախախտը փայտանյութը կրկին բեռնել է ավտոմեքենան և տեղափոխել Էկոպարեկային ծառայության Բերդի տեղամաս։
Հայտնաբերված փայտանյութի ծավալը, նախնական տվյալներով, կազմել է շուրջ 3 խմ։
Իրականացվում են անհրաժեշտ միջոցառումներ՝ դեպքի հանգամանքները պարզելու և պատճառված վնասի չափը հաշվարկելու ուղղությամբ։